Општо познато е дека Бред Пит и Анџелина Џоли купија палата во Франција и оттогаш инвестираат во производството на вино во Миравал . Изненадувањето е дека нивното розе беше наградено за најдобро во светот во оваа година ! Wine Spectator , американското списание од областа, го избра за најдобро розето Miraval Provence Rosé 2012 , вистински нектар , произведен од еден од најгламурозните парови во Холивуд . Од 100 вина , избрани од Wine Spectator , виното на Бранджелина беше единственото розе во листата. Пијалокот , кој може да се купи за 28 долари , е опишан од страна на списанието како " префинет и елегантен , со  „чисти и концентрирани црвени плодови и вкусови на мандарина и диња " . Виното собрало одличен резултат од 90 од 100 можни поени . На 7 март 6000 шишиња од Розето на Бранджелина беа пуштени во продажба на интернет. Пет часа подоцна , сè беше продадено .