Адидас ги извади фотографиите на манекенката Бела Хадид од рекламите за промовирање на атлетските чевли, кои за прв пат беа лансирани за време на Олимписките игри во Минхен во 1972 година.

Германската компанија за спортска облека соопшти дека ја ревидира својата кампања по критиките од Израел поради поддршката на Хадид за Палестина.

Моделот на патики SL72, кој Адидас го опишува како безвременски класик, го промовираше Хадид, Американка чие семејство има корени од Палестина.

Манекенката, која претходно го навлече гневот на израелската влада поради наводното извикување на слоганот „Од река до море, Палестина ќе биде слободна“, е обвинета за антисемитизам, пишува Гардијан.

Официјалниот израелски профил на социјалните мрежи Х објави дека се противи на Хадид како лице на кампањата на Адидас во објава во која се вели дека единаесет Израелци биле убиени од палестински терористи за време на Олимписките игри во Минхен.

Adidas reportedly dropped Bella Hadid and pulled their ad campaign featuring her wearing the retro sneakers inspired by the 1972 Munich Olympics following her pro-Palestine stance. pic.twitter.com/3nFMCiRw9s

— Pop Tingz (@ThePopTingz) July 19, 2024

Хадид постојано ја критикуваше израелската влада и ги поддржуваше Палестинците низ годините, а на 23 октомври објави на Инстаграм жалејќи се за загубата на невини животи, повикувајќи ги следбениците да вршат притисок врз нивните лидери да ги заштитат цивилите во Газа.

Адидас во соопштението рече дека кампањата за чевлите SL72 „обединува широк спектар на партнери“. Во него се вели: „Свесни сме дека се направени врски со трагични историски настани - иако тие се целосно ненамерни - и се извинуваме за секоја предизвикана вознемиреност“. Како резултат на тоа, го ревидираме остатокот од кампањата“.

Adidas just DELETED their Bella Hadid promo posts. pic.twitter.com/yl1bigadgh

— Ridvan Aydemir | Apostate Prophet (@ApostateProphet) July 18, 2024