Вакцината КОВИД-19 на универзитетот „АстраЗенека“ и Оксфорд е поефикасна кога нејзината втора доза се дава три месеци по првата, наместо шест недели, покажа во петокот рецензирана студија објавена во медицинското списание „Лансет“, пренесува Ројтерс.

Студијата ги потврди наодите на англо-шведскиот производител на лекови од почетокот на овој месец кои покажаа дека вакцината има 76% ефикасност против симптоматска инфекција со коронавирус три месеци по првата доза.

Ефикасноста е утврдена на 81% со подолг интервал од 12 недели помеѓу првата и втората доза, во споредба со 55% ефикасност до шестнеделниот интервал, според студијата на Лансет, која ги поддржува британските препораки и препораките на СЗО за подолги интервали.

Соочени со појава на инфекциите и нови, многу попреносливи варијанти на вирусот, многу земји се надеваат дека ќе ја прошират имунизацијата со давање на одредена заштита на што повеќе луѓе со првата доза, додека ги одложуваат следните вторите дози.