Борбите и во Донбас и во секторот Херсон продолжуваат, а руските команданти се уште се соочени со дилема: дали да ја продолжат офанзивата на исток или да ја зајакнат одбраната на запад, тврдат експерти од британското Министерство за одбрана во нивните најнови проценки за војната во Украина.

Британците тврдат и дека минатата недела (18 јули) разузнавачите идентификувале руски објект за поправка на воени возила во близина на Барвинок, во рускиот регион Белгород, на 10 километри од украинската граница.

Според разузнавачките податоци, во објектот се наоѓаат најмалку 300 оштетени возила, вклучително и главни борбени тенкови, оклопни транспортери и камиони за општа поддршка.

Покрај добро документираните кадровски проблеми, Русија најверојатно продолжува да се бори за враќање и поправка на илјадници борбени возила оштетени во акција во Украина, проценува Лондон.

Извор: Курир.рс

Фото: EPA / SERGEY KOZLOV