Петмина украински војници биле убиени во судирите во источна Украина во средата, повеќето биле убиени до контролираниот од владините сили град Мариинка каде проруските сепаратисти се обиделе да направат сериозна офанзива, соопштил советникот на претседателот Петро Порошенко, цитиран од „Ројтерс“.

Другите 39 украински војници биле повредени, додал Јури Бириков на неговиот профил на „Фејсбук“.

Украинското воено министерство во средата објави дека сепаратистите, користејќи тенкови и артилерија, се обиделе да совладат владини позиции во близина на грдот Мариинка, кој се наоѓа на исток од контролираниот дел од сепаратистите во Доњецк, и имало прекршување на примирјето, договорено во февруари.

Според украинското воено министерство владините сили се наметнувале наназад спрема сепаратистите по речиси 12 часа борби.

Сепаратистите ги обвинуваат владините трупи за избувнувањето на борбите и тврдат дека 14-тима борци и 5-тима цивили загинале при бомбардирањето на силите на Киев.