Австралиската полиција заплени речиси два тони метамфетамин и тоа е речиси најголемата заплена на наркотици во историјата на земјата.

Имено, полицијата во Сиднеј пронашла 1.800 килограми метамфетамин во пристаништето во Сиднеј. Дрогата била скриена во мермер, а полицијата вели дека има улична вредност од над 1,6 милијарди австралиски долари (повеќе од 1,1 милијарда евра).

Уапсени се тројца мажи, а се вели дека увезувале дрога од Блискиот Исток. Властите тврдат дека уапсените се дел од поширока група со силни меѓународни врски.

„Овие бројки се запрепастувачки, ова е најголемата заплена во австралиската историја“, рече главниот детективски инспектор Џон Вотсон.

A further tonne of methylamphetamine has been seized as part of ongoing investigations by the Drug and Firearms Squad into the largest detection of the drug at the Australian border.

More details: https://t.co/FJDBL9usfZ pic.twitter.com/zzaDHyGAUb

— NSW Police Force (@nswpolice) August 26, 2022

Оваа земја има највисока пријавена употреба на метамфетамин по глава на жител во светот. Околу 6 отсто од Австралијците, или 1,2 милиони луѓе, користеле метамфетамин.

Во една неповрзана заплена претходно овој месец, полицијата откри повеќе од 150 килограми метамфетамин во автомобил на истото пристаниште во Сиднеј.