Истражувањата покажаа дека во Европа најбогати се жителите на Лихтејнштајн, најсиромашни се жителите на Молдавија , додека средината ја претставуваат Шпанците. Според студијата на ГФК, европските потрошувачи располагаат со 8.6 трилиони евра за целокупното трошење и штедење во 2012 година. Просечната куповна моќ на Европејците изнесува 12.802 евра по жител  и во однос на изминатиот период е забележан пораст од 2.1 %. Жителите на водечкиот Лихтејнштјн имаат куповна моќ од 57.000 евра. Далеку зад  нив , следна земја е Норвешка , чии што жители имаат куповна моќ од 32.000 евра. Многу блиску , следна земја е –Швајцарија. Интересно е тоа што првите три земји не се членки на Европската Унија. На четвртото  место следува Луксембург со 28.943 евра по  жител. На спротивната страна, пак, се земјите Косово, Белорусија и Молдавија со куповна моќ помала од 2.000 евра по жител. На пример , жителите на Молдавија располагаат само со 1.257 евра по жител и со тоа мораат да ги покријат трошоцита за храна , домување, разни услуги и сите други трошоци. Тае не е ни една десеттина од европскиот просек  на кој се наоѓа Шпанија со 12.943 евра.