Американскиот сурова нафта се насочува кон најдолгата неделна губитничка серија од јуни 2012 година, откако податоците за кинеското индустриско производство не успеаја да го убедат пазарот во стабилен развој на земјата. Фјучерсите на суровината загубија 1,7% од својата вредност оваа недела. Експертите очекуваат нафтата да продолжи со загубите следната недела имајќи го предвид очекуваното зголемување на резервите на нафта на САД. "Силно намалување на побарувачката од рафинериите доведе до зголемување на резервите", коментира Оле Хансен, главен стратег за ресурси во Saxo Bank во Копенхаген, пренесува од Bloomberg. "Постои извесно обновување во Кина, но овој квартал може да е најдобар во блиска иднина", додава тој. Суровата нафта за испорака во декември се тргува на ниво од 96.20 долари за барел, што е намалување од 18 центи во однос на вчерашните нивоа на трговија. Тоа е и најниска ниво од 26 јуни наваму. Во октомври нафтата поевтини со 5.8%, или најмногу за оваа година. Околу 69% од аналитичарите, очекуваат нафтата да ја намали вредноста  идната недела. Седум очекуваат раст и двајца очекуваат нулта промена. Во текот на изминатата недела резервите на нафта на САД се зголемиле за 4,1 милиони барели до 383.9 милиони барели, што е највисоко ниво од јуни наваму.