Нафтените резерви во САД се зголемиле за 11 милиони барели минатата недела, покажуваат податоците на Американскиот нафтен институт. Ова доведе до поевтинување на суровината а проекциите биле за раст од малку над 3 милиони барели во текот на неделата до 22 јануари.

Подоцна денес Администрацијата за енергетска информации ќе ги објави и официјалните податоци за резервите на нафта во САД.

Околу 9:40 часот американската „лесна“ сурова нафта поевтинува за 2,5% до 30,60 долари за барел, а европскиот репер Брент - за 1,87% намалување до 31,86 долари за барел.

Во вторникот нафтата поскапе поради шпекулациите дека Организацијата на земјите извознички на нафта (ОПЕК) и Русија размислуваат за скратување на родот. Кувајт, пак, соопштува дека картелот е подготвен да соработува со други држави, за да го совлада падот во цените.

Според аналитичарите, сепак договорот е малку веројатен, бидејќи производители на шкрилци во САД повторно ќе имаат корист од повисоките цени и ќе го зголемат својот принос.

„Веќе гледаме некои знаци дека фундаменталните фактори кај понудата и побарувачката ќе почнат да се коригираат во 2016 година“, коментирал Абдала Ел Барди, генерален секретар на „ОПЕК“, во понеделникот. Според него треба сите големи производители заедно да стигнат до решение како да го намалат сегашното обилното снабдување.

„Растечките резерви во САД веројатно ќе останат фактор кој врши притисок врз цените во краток рок“, коментираат од австралиската банка „ANZ“. „Со сегашната динамика резервите ќе го надминат рекордот од април минатата година во следниот месец“, дополнуваат аналитичарите.