Семејствата на патниците од исчезнатиот малезиски авион МХ 370 започнаа да го добиваат првичниот надоместо од 50.000 долари од осигурителните компании. Веќе се исплатени шест семејства од Малезија и едно од Кина, а во моментот се разгледуваат барањата на уште 40-тина кинески семејства. Малезискиот авион е исчезнат повеќе од три месеци, од 8 март кога му се изгуби секаква трага на летот од Куала Лумпур до Пекинг. Опсежната меѓународна потрага по леталото до сега не даде никакви резултати. Во авионот патуваа 239 патници и членови на екипажот, а нивнитер семејства можат да поднесат барања за отштета, кои во зависност од осигурувањето можат поединечно да достигнат и до 175 илјади долари. Иако малезиската Влада уште не го прогласила авионот за загубен, дел од осигурителните компании предводени од германската Алијанц веќе започнале да го исплаќаат надоместокот.