Шпанскиот тенисер Рафаел Надал денеска ја критикуваше одлуката на организаторите на Вимблдон да им забранат на руските и белоруските тенисери да учествуваат на турнирот поради руската воена интервенција во Украина.

Исто така, на тенисерите од Русија и Белорусија им е забрането учество на сите турнири на трева во Велика Британија.

„Мислам дека тоа е многу неправедно кон моите руски колеги. „Не се тие виновни за она што се случува во војната“, рече Надал, пренесе Би-Би-Си.

"Жал ми е. Вимблдон одлучи... Владата не ги принуди на тоа“, додаде шпанскиот тенисер, рекордер по број на грен слем титули - 21.

Претходно и првиот тенисер во светот, Новак Ѓоковиќ, забраната на Вимблдон ја нарече „луда“, а рускиот тенисер Андреј Рубљов изјави дека тоа е „целосна дискриминација“ и „нелогична одлука“.

На Вимблдон нема да настапат рускиот тениски шампион Данил Медведев, Андреј Рубљов, финалистката на Ролан Гарос, Анастасија Пављученкова, како и Викторија Азаренка и Арина Сабаленка од Белорусија.