Повеќе од 500 цивили остануваат во Соледар додека руските и украинските сили продолжуваат да се борат за контрола на градот, според Павло Кириленко, шеф на регионалната воена администрација на Доњецк.

Говорејќи на украинската телевизија утрово, Кириленко рече дека „засега таму има 523 луѓе“.

Повеќето луѓе кои останаа се на возраст над 50 години, додаде тој, и потенцираше дека „нема информација“ дали меѓу нив има и деца.

„Нема да биде точно ако кажам дека тие не сакаат да заминат сега. Ние правиме се од себе да им помогнеме на луѓето да заминат“, рече Кириленко, додавајќи дека евакуацијата е „просто нереална“ во моментов.

Евакуацијата ќе продолжи „кога ќе знам дека е можно да се стигне таму со специјален транспорт и да заминам оттаму“, рече тој.

Си-Ен-Ен пишува дека согласно тврдењата на Русија, нивната војска напредувала во Соледар во последните денови, во услови на некои од најжестоките борби во војната.

Руските сили „трпат големи загуби“ во обидот да го заземат градот Соледар во источна Украина, изјави заменик-министерката за одбрана на Украина Хана Мајлар.

„Пристапите кон градот денес се всушност преполни со тела на убиените трупи на Путин“, рече таа.

Маилар додаде дека борбите во градот се „жестоки“ и ги опиша украинските војници како „очајно се борат“, но покажуваат „максимална издржливост и херојство“.

Областа околу Соледар имаше интензивни борби во последните денови.

Евгениј Пригожин, шефот на руската приватна воена компанија Вагнер, во вторникот тврдеше дека неговите сили ја презеле контролата врз „целата територија на Соледар“.