Царинската управа денеска во кругот на компанијата „Фени Индустри“ од Кавадарци ќе изврши уништување на фалсификувани производи.

Под царински надзор и во присуство на претставници на брендовите ќе се уништат повеќе од 35.000 парчиња различни видови на фалсификувани производи – текстилни производи, обувки, авто делови и додатоци за мобилни телефони.

Царинската управа презема бројни активности во борбата против фалсификувањето и пиратеријата, со цел заштита на македонската економија, здравјето и безбедноста на луѓето од фалсификувани стоки. Царинската управа привремени ги одзема фалсификатите и пиратските стоки, а по завршување на законската постапка тие се уништуваат, доколку се потврди дека се фалсификат и претставуват повреда на право од интелектуална сопственост.

Во соработка со Царинската управа, и оваа година, средствата наменети за уништување на фалсификувани производи, компанијата „Фени индустри“ ќе ги донира во хуманитарни цели.