Од почетокот на војната во Сирија пред пет години досега загинаа над 280.000 луѓе.

Ова го соопшти денеска Сирискиот центар за мониторинг на човековите права.

Меѓу загинатите се и 3.522 лица чиј идентитет не е утвреден. Оваа опозициска организација информира дека според нејзиниот биланс на жртви, во конфликтот во Сирија загинале 282.283 лица, од кои 81.436 биле цивили. Меѓу загинатите цивили имало и 14.040 деца и 9.106 жени. Како борци на разни бунтовнички групи загинале 48.586 лица, а  уште 47.095 луѓе ги загинале борејќи се во редовите на џихадистите. Меѓу нив има и сириски државјани, но и странци.

Силите на претседателот на Сирија, Башар ел Асад загубиле 101.662 борци, од кои 56.609 се припадници на регуларната Армија.