Бројот на жртвите од разорните земјотреси, кои во саботата го погодија западен Авганистан, надмина 2.400, а во очајнички обид да ги извлечат жртвите, Авганистанците со голи раце и лопати копаат низ урнатините.

Земјотрес со јачина од 6,3 степени според Рихтеровата скала погоди густо населена област кај Херат, а по првиот следеа силни последователни потреси со јачина од 6,3, 5,9 и 5,5 степени.

Портпаролот на авганистанското Министерство за катастрофи, Џанан Сајик, во порака испратена до Ројтерс синоќа изјави дека загинале 2.445 лица, а повеќе од 2.000 луѓе се повредени.

Тој наведе и дека се уништени или оштетени 1.320 куќи. Најмалку шест села се уништени, а стотици цивили се затрупани под урнатините, изјави претходно претставник на Министерството за информации и апелираше за итна помош.

Watch the moment a young child is found alive in the arms of her mother, who had died, under the rubble after a magnitude 6.3 earthquake in Afghanistan #earthquake #savas #FeelTheImpact
#Taliban #طوفان_الأقصى #طوفان_القدس #FreePalestine #Israel #طوفان_القد pic.twitter.com/kYYlj2w2UQ

— Gaza News (@gazanews64) October 9, 2023

Луѓето останаа заробени под срушените куќи, а мештаните чекаа помош и ги откопуваа луѓето без лопата, пишува АП. Под урнатините има и живи и мртви, пренесува Индекс.

„Повеќето луѓе беа шокирани... некои не можеа да зборуваат, а имаше и такви кои не можеа да престанат да плачат и да викаат“, рече фотографот Омид Хакџу, кој вчера посети четири села, во телефонска изјава за АП.

WARNING: GRAPHIC CONTENT
Earthquakes in Afghanistan killed more than 2,400 people in one of the deadliest disasters to strike the country in years https://t.co/c7KpHNddEl pic.twitter.com/YXaAcXGjyr

— Reuters (@Reuters) October 9, 2023

Доколку се потврди бројот на жртви што го пријави портпаролот на авганистанското Министерство за катастрофи, земјотресот во сабота ќе биде еден од најсмртоносните што го погоди Авганистан во последните две децении.