Над 200 милиони луѓе бараат работа!
Бројот на невработени во светот минатата година надминал 200 милиони луѓе, бидејќи можностите за вработување не растат со исто темпо како и зголемувањето на бројноста на работната сила, објави Меѓународната организација на труд.
Според проценките на оваа агенција на Обединетите нации, на крајот на 2013-та година во светот имало 201,8 милиони невработени, или за 4,9 милиони повеќе отколку во претходната година.
Источна и Јужна Азија донеле над 45 отсто од минатогодишниот вкупен раст на бројот на невработени во светот. Меѓународната организација на труд не очекува подобрување ниту оваа година: глобалната стапката на невработеност ќе се зголеми од 6 на 6,1 отсто, а бројот на невработени ќе се зголеми за уште 4,2 милиони.
Слично
Поврзани вести
