Во Швајцарија 11,8% вработени имаат плата недоволна за достојна егзистенција, меѓу кои најмногу се жени, пренесуваат швајцарските медиуми. Според студијата на Универзитетот од Женева, работена за потребите на швајцарската синдикална унија УСС, платата на секој десети Швајцарец е под 4.000 франци, а Швајцарките заработуваат во просек 630 франци помалку од нивните машки колеги, се наведува во извештајот, објавен по повод европскиот Ден на еднакви плати. Според резултатите од истражувањето, бројот на вработени со полно работно време, со месечни примања пониски од 3986 франци изнесува околу 437.000.