Малта вакцинираше 70% од возрасната популација со најмалку една доза вакцина ковид-19, што ја прави првата земја на Европската унија што постигна колективен имунитет, изјави тамошниот министерот за здравство Крис Фин.

Малиот медитерански остров имал просечно по три нови случаи на вирус секој ден во текот на изминатата недела, со 0,2 проценти позитивни тестови. Вчера се пријавени два нови случаи, според Ројтерс.

- Една вакцина се дава на секои пет секунди - рече Ферн на прес-конференцијата, додавајќи дека 42% од возрасната популација примиле две дози, пренесува агенцијата.

Во моментов, сите жители на Малта постари од 16 години можат да се вакцинираат, а Ферн рече дека и деца на возраст од 12 години и повеќе ќе бидат вакцинирани кога европските медицински власти ќе дадат зелено светло.

Тој исто така најави дека задолжителното носење маски на отворено ќе биде укинато на 1 јули за вакцинираните лица, се додека има малку случаи на вирус.

Здравствените власти претходно објавија дека носењето маски веќе нема да биде задолжително на плажите од 1 јуни.

Ограничувањата за спортски сали и базени се укинати денес, а работното време на рестораните, кој порано работеа до 17 часот, е продолжено до полноќ.