Веќе некое време се зборува за новиот подвид на сојот омикрон, таканаречениот стелт омикрон. Д-р Миланко Шеклер, виролог и микробиолог од Ветеринарно-специјалистичкиот институт во Краљево, истакнува дека овој подвид на омикрон не е тешко да се дијагностицира, но дека е тешко да се разликува од делта соевите.

Миланко Шеклер впрочем вели дека подвидот омикрон неоправдано е наречен „стелт“ бидејќи е многу лесно да се дијагностицира.

„Проблемот е во тоа што овој вид е тешко да се разликува од делтата со техниката пи-си-ар, која досега можеше да ја одвои постарата верзија на омикронот“, објасни Шеклер.

Тој истакнува дека и покрај големиот број пациенти во болниците, се покажало дека сојот омикрон не е ниту мутант, ниту Франкенштајн, што ќе не убие сите.

„Спомнав дека ќе има голем број новозаразени, затоа, иако вирусот е послаб, јасно е дека ќе се зголеми бројот на болни и ќе се зголеми бројот на смртни случаи.

Тој додава дека брзите тестови можат да дадат лажно негативен резултат.

Тој исто така истакна дека за зајакнување на имунитетот граѓаните земаат само витаминот Д, но дека се важни и другите витамини - витаминот Ц, витаминот А, витаминот Е.