Анкетите велат дека моменталната ситуација изгледа вака:

ЦДУ/ЦСУ 30%

AfD 22%

СПД 17%

Зелените 13%

По изборите најверојатни коалиции се:

Голема коалиција или ГроКо: Сојуз на десниот центар и левиот центар, т.е. ЦДУ/ЦСУ и СПД. Оваа коалиција е на власт во Германија четири пати од 1949 година, а три пати во времето на поранешната канцеларка Ангела Меркел.

Коалиција Киви: Сојуз на ЦДУ/ЦСУ и Зелените. Се вика Киви затоа што црната е бојата на конзервативците, но неизвесно е дали овие две партии ќе имаат мнозинство. Иако споделуваат некои надворешнополитички позиции, како што е потребата да се обезбеди порешителна поддршка за Украина, тие се многу далеку во однос на внатрешната политика, особено миграцијата.

Коалиција Кенија: ЦДУ/ЦСУ, СПД и Зелените. Ова е веќе трипартиски сојуз, кој Мерц се обидува да го избегне. Се нарекува Кенија бидејќи боите на партијата се совпаѓаат со боите на кениското знаме.

Коалиција Германија: ЦДУ/ЦСУ, СПД, ФДП. Името го добила затоа што боите на партијата се совпаѓаат со боите на германското знаме. Проблемот е што не се знае дали ФДП воопшто ќе го помине прагот на цензусот, а таа партија е во војна и со СПД на Шолц.

Одлучувачки изборни единици

На денот на изборите, Германците можат да дадат два гласа:

Еден за партијата

Еден за кандидат во својата изборна единица

Ако партијата добие најмалку пет проценти од партиските гласови, таа влегува во Бундестагот. Доколку падне под прагот од пет проценти, но освои три директни мандати, има право на дел од пратеничките мандати. Тоа ја спаси Левицата во 2021 година, кога падна за 0,1 процентен поен под прагот од пет проценти, но помина благодарение на трите места во изборните единици што ги освои.

И покрај историските успеси, особено во поранешна Источна Германија, популарноста на Левица опадна.

За почеток, иако ЦДУ и нејзината баварска сестринска партија, Христијанско-социјалната унија (ЦСУ), имаат најдобри резултати во анкетите на јавното мислење, тие можеби не се толку добро позиционирани како што се надеваа.

- Големото прашање е зошто ЦДУ не добива поголема поддршка. Триесет проценти не се многу за ЦДУ - изјави Роберт Грим, директор за политичко и општествено истражување во анкетната компанија Ипсос во Германија.

Од друга страна, успехот на Мерц не зависи само од перформансите на неговата партија, па дури и од перформансите на екстремно десничарската Алтернатива за Германија (AfD), која во моментов е втора во анкетите, но е исклучена како коалициски партнер од главните партии во земјата. Многу зависи од тоа колку помали партии ќе влезат во Бундестагот.

Владата на Мерц зависи од коалиција

Мерц беше сосема искрен за идеалното сценарио: неговата централно-десничарска Христијанско-демократска унија (ЦДУ) мора да направи „толку добро на изборите што ѝ треба само еден коалициски партнер, дефинитивно не два“.

„Сакам стратешки да осигурам дека имаме најмалку две опции, но ни треба само една“, рече тој за време на дебатата за кампањата.

Меѓу опциите за коалициски партнери се:

Социјалдемократите (СПД)

Зелените

Се разбира, политиката ретко функционира така едноставно.