На нов проект работи компанијата „Facebook“ со кој се планира да им овозможи на неговите корисници преку свој налог на оваа социјална мрежа да купуваат различни работи.

Најголемата социјална мрежа „Facebook“  во соработка со компанијата за електронска трговија „Jack Threads“, наскоро во јавност ќе ја пушти пробната верзија на опцијата Pay-With-Facebook. Оваа опција е планирана уште одамна, но, „Facebook“ мораше да ги надмине двете големи бариери – борбата против дигиталните измами и проблемите со заштита на приватноста.

Првата работа се однесуваше на пари. Поточно, eBay кој го поседува PayPal, вложи голем капитал во борбата против измамниците на интернет, а „Facebook“ на почетокот не можеше рамномерно да се носи со вакви инвестиции. Сега кога компанијата има милијарди во банка, ресурсите веќе не се проблем.