Полицијата во Чешка ги бара  бомбите кои според анонимна дојава треба да експлодираат денеска на најмалку десет места во земјата.

Според дојавата, бомби се поставени и на железничките станици во Прага и во Пизен, како и во седиштето на градските власти во Пардубица, источна Чешка.

„Анонимно лице по телефон не извести за подметната бомба во Прага на Главната железничка станица и на други места во Чешка“ -изјави портпаролката на чешката полиција, Маркета Јановска.

Полицијата не откри каде евентуално се поставени бомбите, но Чешкото радио јави дека полицијата ја евакуира зградата на градските власти во Пардубица, а Чешките железници ги известија патниците дека на половина час ќе биде затворена железничката станица во Прака, во Пизен, западна Чешка и во Пардубица.

Трагањето по бомбите чини скапо, затоа што се ангажираат кучиња трагачи и пожарникари.

Според чешките закони за лажна дојава за бомба следи затвор од осум години.