Ирачките медиуми јавуваат дека против водачот на групата „Исламска држава",  Абу Бакр ал Багдади имало обид за труење. 

„Според разузнавачки податоци Абу Бакр ал Багдади и уште тројца водечки команданти биле затруени со храната" - тврди локален извор на медиумите.

Според него инцидентот се случил југозападно од Мосул, недалеку од сириската граница.

„Исламска држава" почнаа апсења во областа каде што беше Ал Багдади "- изјави изворот, истакнувајќи дека терористите страдаат од труење и биле одведени во непознат правец.

Тој додаде дека поставеноста на старешините на екстремистите се знае само од најблиското опкружување, а самиот тој постојано се движи на различни места во Ирак и Сирија.