Во деновите по разорните земјотреси што ги погодија Турција и Сирија се забележани бројни природни феномени.

Сега експертите го истражуваат и случајот со повлекувањето на Мраморното Море за цели 25 метри. Опсерваторијата Кандили во Турција објасни дека таквата силна плима не е поврзана со земјотреси, туку со метеоролошки настан.

The Marmara Sea near Istanbul suddenly dropped 20 to 25 meters today.

According to Rianavosti, the scientists of the Candilli Observatory advise not to worry.
In the observatory, this phenomenon is associated with pressure drop and is not directly related to the seismic activity pic.twitter.com/F6s3RkAJ0W

— Yad E Ali Kazvini خدیو credit analyst associate (@aeyzaedyoz) February 14, 2023

Истото било објаснето и на Техничкиот универзитет во Истанбул.

„Поради центарот со висок притисок кој се наоѓа на запад од Турција, ветерот веќе подолго време дува од север кон југ над Истанбул кон Мраморното Море. Според податоците на Главниот институт за метеорологија, интензитетот на овој ветер е 20 километри на час. Овој ветер постојано ја носи површинската морска вода на брегот на Мраморното Море на европската страна на Истанбул кон југ. Поради ова, нивото на водата се намалува и се повлекува на северниот брег на Мраморното Море во правец на Авџилар, додека нивото се зголемува на јужниот брег на Мраморното Море“, велат тие.

Во меѓувреме, жителите на Истанбул нервозно споделуваа фотографии и видеа од брегот.

„Овде живеам 20 години и никогаш до минатата недела не успеав да се доближам до овој дел од плажата во Авџилар“, вели еден од жителите.

Иако овој настан не е поврзан со земјотреси, експертите неодамна објавија дека земјотресите предизвикале поместување на тлото на Анадолија за цели три метри.