Обединетото Кралство има право еднострано да го запре процесот на излегување од Европската унија без промени на својот досегашен статус во тој блок, одлучи Европскиот суд на правдата.

Оваа одлука е донесена на ден пред гласањето за предлогот за Брегзит на премиерката Тереза Меј во британскиот Парламент.

Мислењето на ова правно тело е дека Британија може да го преобрати механизмот од член 50 од Лисабонскиот договор, со кој е дефинирано како земјите ја напуштаат ЕУ, во случај договорот од излезот на Унијата уште да не стапил на сила.

Мислењето на судот го побарала повеќепартиска група на британски политичари, кои сметаат дека е можно да се запре Брегзит со нов референдум или да се најде алтернативен начин тој да се изведе.

Foto: Tanjug/AP