Американскиот Пентагон ѝ испрати на Украина најпрецизна артилериска граната, „Екскалибур“ управуван со ГПС, покажуваат буџетските документи, потврдувајќи го претходно ненајавеното дополнување на арсеналот собран за борба против руската инвазија.

Планот за надополнување на американските резерви Екскалибур за првпат потврдува дека Пентагон ги снабдувал украинските сили со оваа граната. Американските власти ги заобиколија прашањата за Екскалибур и покрај извештаите дека планирањето на набавките е во тек и дека тој веќе бил во употреба во Украина, пишува Блумберг.

Погодува на два метри од целта

Екскалибур, сателитско водено оружје кое може да погоди на два метри од целта, за прв пат беше употребено во Ирак во 2007 година во познатиот атентат на водачот на Ал Каеда Абу Жура и неговите соработници.

Американското Министерство за одбрана ќе потроши дополнителни 92 милиони долари, одобрени од Конгресот, „за набавка на замената муниција М982 Екскалибур пренесена во Украина како поддршка на меѓународните напори за спротивставување на руската агресија“, се вели во необјавен буџетски документ од август.

Овој проектил, кој се користи во хаубици од 155 мм, главното артилериско оружје на американската војска, заеднички го развија Raytheon Missiles and Defense и BAE Systems Bofor. Прецизно воден Excalibur им овозможува на командантите на бојното поле попрецизно да насочуваат напади врз цели. Има домет од 40 километри.