Чешки граѓанин создаде паника дека неговата земја ќе ја нападне Русија. 

Чешката полиција покрена истрага против организаторот на антивладините демонстрации на широката коалиција на десничарски и левичарски екстремисти и антиваксери, Ладислав Врабел, затоа што кренал паника дека Чешка се подготвува да ја нападне Русија со атомски бомби. Велат дека сакал да ја вовлече Чешка во војна и предизвика уништување на земјата.

„Седнете на каучот и уживајте во последните неколку месеци од вашиот живот. Нашата влада сака да ја нападне Руската Федерација со бомбардери и проектили со нуклеарни боеви глави. А, Руската Федерација ќе возврати и ќе испрати проектили со нуклеарни боеви глави во Чешка“, напиша Врабел на Твитер. 

Неколку корисници на Твитер поднесоа кривична пријава против Врабел, а полицијата покрена истрага поради сомнение дека организаторот на демонстрации за напуштање на Европската Унија (ЕУ), НАТО, ОН и Светската здравствена организација (СЗО) и свртување кон Русија крева паника. За она што го направи во согласност со чешките закони му се заканува затворска казна до две години. Чешка е една од земјите која донираше оружје за Украина. Руската инвазија на Украина почна на 24 февруари.