Моторола треба да му плати отштета на Мајкрософт во износ од 16 милиони долари. Мајкрософт успеа да го добие и вториот спор против Моторола поврзан со лиценцирањето на патенти. Судот одредил отштета од околу 16 милиони долари, што е половина од она што Мајкрософт го бараше. Од Моторола соопштуваат дека се разочарани од пресудата и најавуваат жалба. До спорот дојде заради патенти потребни за имплементација на 3Г мобилната технологија, WiFi и видео стримингот, за кои Гугл бараше превисока цена, како и заради фактот дека Моторола во своите мобилни телефони го користи софтверот Андроид, базиран на технологијата на Мајкрософт.