Русија која е мнозински инвеститор во изградбата на „Северен тек 1“ и „Северен тек 2“ вели дека технички можат да се поправат, но за тоа ќе бидат потребни многу време и пари.

Ова го изјави рускиот вицепремиер Александар Новак, но прво вели дека треба да се разјасни кој е виновен за саботажата на гасоводите.

– Вакви инциденти досега немало. Секако дека има технички можности за обновување на инфраструктурата, но за тоа е потребно време и соодветни средства. Сигурен сум дека ќе се најдат соодветни можности, рече тој.

Високиот функционер „индиректно“ ги посочи САД, украина и Полска за четири експлозии по кои гасоводите сега се вон функција.

– До денес, пред сè, потребно е да се открие кој го сторил тоа, а ние сме сигурни дека некои земји кои претходно го искажаа својот став, се заинтересирани за ова. Тогаш и САД и Украина и Полска рекоа дека „тие  ќе направат сè за таа инфраструктура да не работи“, така што, се разбира, тоа треба сериозно да се реши“, додаде Новак.