Видео направено од автомобил со кое патниците се обидуваат да избегаат од шумскиот пожар во Чиле ја заледува крвта. 

На снимката споеделена на социјалната мрежа „Твитер“ може да се забележи дека искри од пожар летаат на сите страни, дополнително дрвата горат а се во непосредна близина на автомобилот и патниците кои се обидуваат да избегаат од збеснатиот пожар. 

Видеото пренесува дел од морничавата атмосфера во земјата која веќе неколку дена е зафатена од шумски пожари и во кои досега загинаа 24 лица. 

Incredible video from a family driving through the wildfires in Chile. Sending our best wishes to everyone effected pic.twitter.com/UeSm7n127Q

— H0W_THlNGS_W0RK (@HowThingsWork_) February 8, 2023

Десетици шумски пожари што беснеат во Чиле, и тие ја принудија владата од вчера да ја прошири наредбата за итни случаи и во друг регион, бидејќи жешкиот летен топлотен бран ги комплицираше напорите да се стават под контрола пожарите.

Вонредната состојба што ја прогласи Министерството за внатрешни работи сега го покрива регионот Ла Арауканија, јужно од претходно прогласените региони Биобио и соседниот Нубл, лоциран во близина на центарот на долгиот пацифички брег на јужноамериканската земја. Во трите региони има многу фарми и шумско земјиште.

Хеликоптер за итни случаи во петокот се урна во Ла Арауканија, при што загинаа пилотот и механичарот, соопштија официјални лица.

Властите објавија дека 11 жртви, или половина од досега пријавените, загинале во градот Санта Хуана, во регионот Биобио, што се наоѓа на околу 500 километри јужно од главниот град Сантијаго.

Од крајот на минатата недела, хеликоптери со средства за гаснење од воздух се обидуваат да ги локализираат пожарите, што ги затскриваат патиштата со чад, додека пожарникарите и локалните жители се обидуваат да го сторат истото од земја.

Наредбите дозволуваат распоредување на војници и дополнителни ресурси за справување со природна катастрофа.

Според официјалните податоци објавени доцна во петокот, во пожарите изгореа околу 40.000 хектари, површина поголема од американскиот град Филаделфија.

Националната шумска агенција КОНАФ вчера информира дека активно гаси 80 од вкупно 231 пожар, додека 151 од нив се под контрола.

Фото: EPA-EFE/Camilo Tapia