Според шефот на украинската воена разузнавачка служба, Кирило Буданов, третата светска војна веќе почна, пренесува „Укринформ“.

„Ова е филозофско прашање. Зависи како гледате на тоа. За мене, тоа е трета светска војна, вклучено е апсолутно мнозинство од најсилните и најразвиени земји во светот, тоа е само факт“, рече Буданов.

На прашањето на новинарите што може да му помогне на украинското општество да го подигне моралот, тој рече дека се потребни победи.

„Значи, потребни се победи, дипломатски, воени, социјални, политички, но – победи“, рече Буданов.

Украинскиот портал наведува дека претходно и поранешниот врховен командант на вооружените сили на Украина, Валериј Залужни, изјавил дека војната може да се смета за трета светска војна, особено откако Северна Кореја и Русија „директно влегоа во војната како сојузници на Русија“.