Во петнеделните монсунски дождови во Пакистан настрадале повеќе од 300 луѓе. 

Локалните власти соопштија дека има 304 луѓе. Од средината на јуни поплавите од надојдените реки оштетија многу автопатишта и мостови, а околу 9.000 домови се целосно уништени. Нестабилната и сиромашна југозападна провинција Белучистан е особено тешко погодена од долготрајното невреме, каде 99 луѓе загинаа во вонредни случаи поврзани со дождот и поплавите, а 70 други загинаа во јужната провинција Синд.  

Водата однесе 61 живот и во северозападната провинција Хајбер Пахтунхва, која граничи со Авганистан, и 60 во источната провинција Пенџаб. Меѓу жртвите има жени и деца, а повредени се најмалку 284 луѓе.

Секоја година, вообичаено од јули до септември, поголемиот дел од Пакистан се соочува со монсунските дождови. И во јужен Иран има жртви во поплави.