„Monsanto“, најголемиот светски производител на генетски модифицирана храна, во четвртиот фискален квартал, забележа поголема загуба од очекуваната. Како причина за тоа, од компанијата ја наведуваат слабата продажба на своите генетски модифицирани семиња. Компанијата во четвртиот квартал, кој заврши на 31 август, забележа загуба од 249 милиони долари или 47 центи по акција, што е над загубата од 229 милиони долари или 42 центи по акција, од четвртиот квартал минатата година, пренесува агенцијата АП. Приходите на „Monsanto“ пораснаа за пет проценти, на 2,2 милијарди долари, од минатогодишните 2,1 милијарди долари.