Со изградба на вештачки полуостров на површина од шест хектари, Монако планира да ја прошири својата мала територија , соопшти во петокот принцот Алберт ИИ од Монако. - После разгледувањето на разни проекти од 2008 година до денес, донесов одлука да го проширам кнежеството и тоа со изградба на вештачки полуостров на источната страна – изјави принцот од Монако. Монако, кој има површина од само два квадратни километри, стана премногу мал за да ги прими сите богаташи кои доаѓаат за славните казина, како и оние на кои им одговара даночната политика на кнежеството, пишува агенцијата АФП.