Припадник на Националната воздухопловната гарда, осомничен за објавување на високо доверливи американски документи кои го засрамија Вашингтон меѓу сојузниците ширум светот, е уапсен денеска во Масачусетс, изјави за Ројтерс извор запознаен со ситуацијата.

Изворот, кој сакаше да остане анонимен, не соопшти детали. Портпаролот на седиштето на ФБИ не одговори на барањето на Ројтерс за коментар.

Американскиот претседател Џо Бајден изјави во текот на денот дека истражителите се приближуваат кон изворот на истекувањето, за кое се верува дека е најсериозното нарушување на безбедноста во последните години.

„Њујорк тајмс“ објави дека водачот на интернет-групата што ги објави доверливите документи е член на Националната гарда на воздухопловните сили на Масачусетс.

Станува збор за 21-годишниот Џек Тешеира, Национален гардист кој раководеше со Thug Shaker Central, онлајн група каде што околу 20 до 30 луѓе ја споделуваа својата љубов кон оружјето, расистичките мемиња и видео игрите.

Група љубители на оружје и Бог заеднички создадоа онлајн канал

Тешеира е млад, харизматичен ентузијаст за оружје кој ги сподели овие документи со своите виртуелни пријатели. Во 2020 година, за време на пандемијата, група обединета со нивната љубов кон оружјето, воената опрема и Бог создаде заеднички канал на Discord, онлајн платформа популарна меѓу гејмерите, објави Вашингтон пост.

Тие дури и не ја сфатија важноста на документите

Членовите на Thug Shaker Central кои разговараа со NYT рекоа дека документите за кои разговарале онлајн биле наменети само за информативни цели.

Документите, велат тие, почнале да привлекуваат пошироко внимание дури кога еден од тинејџерите во групата зел неколку десетици од нив и ги објавил на јавен интернет форум. Оттаму ги презеле каналите на руски јазик Телеграм, а потоа и Њујорк Тајмс, кој прв известувал за нив. Лицето што ги обелодени документите, рекоа, не е кодош и тајните документи никогаш не требало да го напуштат своето мало ќоше на Интернет.

„Овој човек беше христијанин, против војната, тој само сакаше да ги извести некои од неговите пријатели што се случува. Имаме некои луѓе во групата кои се во Украина. Сакаме борбени игри, сакаме воени игри“, рече еден од пријателите на лицето.од заедницата, 17-годишен матурант.

#BREAKING: A Air National Guard member has been taken into custody due to a classified documents discord leak

#Dighton | #Massachusetts

Just moments ago Law enforcement and other Federal agents agencies have made an arrest and searched the home of a 21-year-old Jack… pic.twitter.com/cD6bo7EkYa

— R A W S A L E R T S (@rawsalerts) April 13, 2023

Двајца американски функционери потврдија пред апсењето дека истражителите сакале да разговараат со Тешеира за протекувањето на владини документи до приватна онлајн група. Еден функционер рече дека Тешеира можеби има информации релевантни за истрагата.

Американското Министерство за правда отвори формална кривична истрага минатата недела, откако случајот беше доставен до Пентагон, кој ја проценува штетата.

Некои од најчувствителните протечени детали, наводно, се однесуваат на воените способности и недостатоци на Украина, како и информации за сојузниците на САД, вклучувајќи ги Израел, Јужна Кореја и Турција.

Ројтерс прегледал повеќе од 50 документи, означени како „тајни“ и „строго доверливи“, но не ја потврдил независно нивната автентичност. Бројот на протечени документи е веројатно повеќе од стотина.