Италијанскиот вицепремиер Матео Салвини повика на враќање на купувањето руски гас, предупредувајќи дека во спротивно земјата може да се соочи со „енергетски блокада“ поради зголемените нарушувања на европскиот енергетски пазар.

Салвини рече дека Италија мора да обезбеди гас од сите можни извори, вклучително и од Русија, за да избегне сериозни последици за економијата и секојдневниот живот на граѓаните.

- Наместо да затвораме училишта и фабрики, да се вратиме на купување гас од целиот свет, вклучително и од Русија, бидејќи не сме во војна со Русија - рече Салвини.

Неговата изјава доаѓа во време кога Европа се соочува со зголемени проблеми во снабдувањето со гориво поради конфликтот меѓу САД и Израел со Иран, што дополнително го оптоварува енергетскиот пазар на континентот.

Тој на „Телеломбардија“ изјави дека единственото сериозно нешто што Брисел може да го направи е да ги суспендира европските правила, пренесува „Анса“.

„Предлозите на Брисел за надминување на високите сметки се: исклучете го греењето, работете помалку, патувајте помалку и перете помалку. Ако ова се решенијата за војната во Иран и високите трошоци за сметки и дизел, кажете ми, дали се нормални во Брисел?“, рече Салвини во врска со предлозите на ЕУ за решавање на енергетската криза.

Italian deputy PM calls for return to Russian energy imports.

Matteo Salvini says lifting EU restrictions is key to averting an economic crisis.

EU Sanctions caused inflation and make factories in the EU uncompetitive.

Russia is unaffected. They sell to others instead. pic.twitter.com/usjlgWMIS4

— Alternative News (@AlternatNews) April 19, 2026

Европа под притисок поради недостиг на гориво

Поради зголемените тензии на Блискиот Исток и нарушувањата во транспортот на енергија, недостигот на гориво станува сè поизразен во Европа, а бројни земји се обидуваат да најдат алтернативни патишта и извори на снабдување.

Во таква ситуација, многу европски земји веќе значително го зголемија увозот на течен природен гас од Русија, и покрај претходните политички пораки за намалување на зависноста од руската енергија.

Ставот на Салвини би можел дополнително да ја стимулира дебатата во рамките на Европската Унија за тоа дали, во услови на нова енергетска криза, е можен прагматичен пресврт кон враќање на поголем увоз на руски гас.