Нападите во центарот на Џакарта, како резултат на кои денеска загинаа седум лица, нè потсети дека терористичката закана е глобална.

Тоа се вели во изјавата на високиот претставник на ЕУ за прашањата за надворешни работи и безбедносна политика Федерика Могерини објавена во Брисел.

„Нападот во центарот на Џакарта денес е трагичен потсетник дека заканата од тероризам е глобална и треба да се решава на глобално ниво“, се вели во соопштението

„Цврсто ја поддржуваме Владата и народот на Индонезија во борбата со насилството и екстремизмот“, истакнала таа.

Седум лица загинаа во четвртокот како резултат на серија експлозии и престрелки во центарот на Џакарта. Петмина од нив се непосредни учесници во нападите.

Одговорноста за нападите ја презеде терористичката организација „Исламска држава“.