Водечката американска фармацевтска компанија „Модерна“.е уверена дека вакцините против рак, кардиоваскуларни, автоимуни и други болести ќе бидат подготвени до 2030 година, објави Гардијан.

„Вакцините против рак и срцеви заболувања ќе бидат готови до крајот на деценијата. Милиони животи би можеле да бидат спасени со револуционерни нови вакцини против неколку болести“, најавуваат експертите.

Главниот медицински директор на Модерна, д-р Пол Бартон, рече дека верува во компанијата дека ќе може да понуди вакцини против „секакви болести“ за само пет години.

Бартон рече: „Ќе ја имаме оваа вакцина и ќе биде многу ефикасна и ќе заштити стотици илјади ако не и милиони животи. Мислам дека ќе можеме да им понудиме на луѓето од светот персонализирани вакцини против многу различни типови тумори“.

Тој исто така рече дека повеќекратните респираторни инфекции може да бидат покриени со една инјекција - која ќе им овозможи на ранливите луѓе да се заштитат од Ковид, грип и респираторниот синцицијален вирус (RSV) и иРНК терапии може да бидат достапни за ретки болести за кои моментално нема лек. Терапиите засновани на иРНК работат така што ги учат клетките како да направат протеин што го активира имунолошкиот систем како одговор на телото на болеста.

„Мислам дека за 10 години ќе се приближиме до свет каде што навистина ќе можеме ние да ја идентификуваме генетската причина за болеста и со релативна леснотија кон неа да уредуваме и поправаме користејќи технологија базирана на иРНК“, рече докторот.