Европската централна банка да ја намали основната каматна стапка,  предоложи денеска Меѓународниот монетарен фонд, кој претходно ја намали прогнозата за економски раст на еврозоната на 0,3 проценти за годинава, а исто така предвиде и пад на инфлацијата.Од ММФ предвудуваат и дека стапката на невработеност во еврозоната годинава ќе остане на нивото од 12,3 проценти.

ММФ предложи повеќе мерки кои Европската централна банка и европските лидери треба да ги преземат за надминување на кризата, а предупредија и дека регионот е соочен со повеќе притисоци. Како голем проблем од Фондот ја посочуваат неизвесноста во Италија и на Кипар, но предупредуваат и дека зајакнувањето на еврото може да го намали извозот.