Меѓународниот монетарен фонд одобри транша од 1,7 милијарди долари за Украина, соопшти украинскиот претседател Петро Порошенко, цитиран од украинските медиуми.

"Како резултат на поддршката за реформите и констатацијата дека претседателот, парламентот и владата ги применуваат овие реформи, како и дека тие целосно одговараат на бараната програма, Украина доби 1.7 милијарди долари од ММФ." - коментира Порошенко.

Траншата е втора од почетокот на годината, откако во март ММФ и додели на земјата 5 милијарди долари.

Програмата за заздравување на украинската економија е четиригодишна. Предвидено е за време на нејзиното спроведување Фондот да му помогне на Киев со вкупен износ од 17,5 милијарди долари.

На крајот на месец мај ММФ предвидува 9-процентен пад на украинската економија. Како главен дестабилизирачки фактор се наведува тековниот конфликт во источниот дел на земјата.