Милиони муслимани од целиот свет се упатуваат на аџилак во светиот град Мека каде ќе бидат поблиску до Бога и неговата симболична куќа Каба. Аџилакот според верските правила и традиции е задолжителен за секој физички способен муслиман и Мека треба да се посети барем еднаш во животот. Тука се постигнува и физички допир со верата откако ќе се направи круг околу Каба, да дојдат до златните порти на рајот и да се помолат. Големиот број на верници оваа година ќе се надеваат дека ќе бидат безбедни, особено што меѓу Саудиска Арабија и Иран се разгореа страстите и се разменија меѓусебни обвинувања за тоа кој е вистински следбеник на исламот, па има огромно присуство на безбедносни сили.