Лани главниот град на Франција, Париз изгуби 1.5 милиони туристи поради терористичките напади. 

Дополнително проблем беа протестите, немирите и поплавите, пренесува весникот „20 минути“. 

Во пари, градот изгуби 1.3 милијарди евра. 

Ноќевања има за 4.7% помалку од 2015 година. 

Весникот пишува дека хотелиерите се потрудиле на гостите да им понудат што подобар дочек. 

Падот на јапонските туристи е за 41.2%, а од Кина 21.5%. 

Париз имал за 26.1% помалку Италијанци, 8.6% помалку Британци и за 9.9% помалку Шпанци. 

И Русија испратила помалку туристи така што нивниот број се намалил за 27.6%. 

Вообичаено, Париз го посетуваат по 30 милиони туристи годишно и тој е една од најпосетените дестинации.