Милијардерот претприемач Илон Маск платил 6,75 милиони долари за да ja купи куќата на соседот во луксузната област на Лос Анџелес, Бел Ер . Богатството на Маск, кој го зазема 41 -то место во рангирањето на најбогатите Американци според Forbes , изнесува 6.7 милијарди долари благодарение на компаниите Tesla , SpaceX и PayPal . Во моментов, тој живее во куќа спроти онаа која штотуку ја купил , за која, пак, платил 17 милиони долари во јануари оваа година. Ова живеалиште има 7 спални , 9 бањи и површина од 1880 квадратни метри. Според имотните регистри , неговата нова придобивка , која се наоѓа во близин,а била купена на 24 октомври за 6,75 милиони долари. Имотот кој наликува на ранч, е доста помал од живеалиштето на Маск и има 3 спални соби, 4 бањи и површина од 256 квадратни метри. Куќата има базен и куќичка за гости. Таму долго време живеел актерот Џин Вајлдер, во периодот од 1976-2007 година. Иако не е голем во површина, имотот нуди сериозни можности . Тој е идеален за создавање на дом од соништата . Маск, кој има два развода зад себе , во моментов живее во неверојатен дворец што го има изнајмено пред три години. Тој не е првиот милијардер кој купува стан на сосед . Главниот извршен директор на Facebook, Марк Цукербегр и шефот на Yahoo Мариса Мајер исто така неодамна платија милиони долари за нивните соседни имоти.