Селективна гранична контрола во рамките на Шенген зоната, која беше воведен поради миграциската криза, ќе ја чини европската економија меѓу 9 и 15 милијарди евра до летото оваа година.

Ова го соопшти германскиот весник „Зидојче цајтунг“, кој располага со резултатите од истражување на минхенскиот институт за економски истражувања Ifo.

Во средината на минатата година изборна гранична контрола беше воведена од четири земји - Шведска, Франција, Германија и Австрија. Поради тоа се зголеми престојот на границите на товарните возила, што ги зголемува трошоците на компаниите за логистика.

Како резултат на тоа тие се вклучуваат во крајната цена на стоките, што ја зголемува, а трговските обеми, соодветно, се намалуваат, пишува весникот.

Покрај тоа селективна гранична контрола има негативно влијание врз туристичката индустрија, го цитира весникот извештајот на економистите.

Од Ifo проценуваат дека ако сличен режим биде воведен во границите на сите 22 земји членки на Шенгенскиот договор, штетата ќе биде многу поголема - од 27 до 65 милијарди евра годишно.

Европската унија се соочува со сериозна имиграциска криза. Минатата година над 1 милион бегалци пристигнаа само во Германија.

Во овие услови земјите од ЕУ беа принудени да воведат изборна гранична контрола, за да се намали на некој начин приливот на странци. Во моментов, благодарение на договорот со Турција, ЕУ успеа да ја ублажи кризата.