Проектот „Antelope Valley Solar“, се всушност две соседни полиња каде ќе се најде најголемиот соларен проект во светот кој треба да им служи на над еден милион жители. Од холдингот „MidAmerican Energy“ објавија дека во средата го купиле проектот за развој на соларната енергија од 579 мегавати во јужниот дел на Калифорнија, пренесува  Бизнис Инсајдер. Инаку „MidAmerican“ е во сопственост на Беркшир Хатавеј груп, предводена лично од милијардерот Ворен Бафет. Големиот проект за искористување на сончевата енергија се протега на двете соседни полиња во областите Керн и Лос Анџелес. Според Блумберг, „MidAmerican“ го купил овој развоен проект за соларна енергија за износ помеѓу 2 и 5 милијарди долари.