Осигурителната компанија на милијардерот Ворен Бафет - Berkshire Hathaway Inc . , гарантира награда од 1 милијарда долари од Quicken Loans Inc . , ако учесникот во играта го предвидува точно победникот во секој натпревар од финалниот турнир во овогодинешното колеџ првенство во кошарка на САД. Наградата ќе биде исплатена на 40 годишни рати од по 25 милиони долари и ќе биде поделена меѓу познатите, ако тие се повеќе од еден , се вели во соопштението на Quicken Loans со седиште во Детроит . Победникот исто така може да претпочита да добие 500 милиони долари одеднаш. Berkshire се занимава со необични осигурувања повеќе децении , бранејќи ги клиентите од големи загуби во замена на плаќања за премии. Компанија со седиште во Небраска освои залог за време на Светското фудбалско првенство во 2010 година , откако Франција беше елиминирана уште во групите. Во минатото, Berkshire гарантираше евентуална отплата на 1 милијарда долари како дел од настан организиран од PepsiCo Inc . Бафет понудил награда од 1 милијарда долари на основачот на Quicken Loans, Ден Гилберт , кога претседателот на Berkshire бил во Детроит минатата година. Турнирот , во кој учествуваат 68 тима и се игра по системот на директни елиминации , започна во март . Проекциите ќе бидат ограничени до една на домаќинство, а максималниот број на учесници во играта ќе биде 10 милиони. Од Quicken Loans не соопштуваат колку платиле за оваа осигурителна полиса. Турнирот не вклучува неколку квалификациски натпревари, со што се намалува бројот на учеснички тимови до 64 . Веројатноста човек да го познае секој победник во турнир со 64 тима е помалку од еден на квинтилион , смета Џеф Берген , професор по математика на Универзитетот DePaul во Чикаго . Дури и човек да се разбира од кошарка и да го следи претставувањето на тимовите , тоа ја зголемува можноста до околу 1 на 128 милијарди, вели Берген . Веројатноста на Бафет да му се наметне да плаќа пак е околу 1 на 10.000 , ако сите 10 милиони учесници се разбираат од кошарка , посочува Берген . Колеџ турнирот во кошарка , познат како " Мартовското лудило ", е меѓу најгледаните спортски настани во САД. Финалниот натпревар минатата година , во кој Луивил го победи Универзитетот во Мичиген , привлекол 23.4 милиони телевизиски гледачи. Во 2010 година CBS и Turner Broadcasting ги зедоа телевизиските права на турнирот за период од 14 години за цена од 10,8 милијарди долари. Обидите да се познае победникот од секој натпревар е нешто како манија во САД, каде колегите често се обложуваат во канцеларија и се натпреваруваат против ѕвезди кои ги објавуваат своите предвидувања онлајн. Претседателот на САД Барак Обама , исто така, ги објавува јавно своите предвидувања секоја година, а во 2009 година дури предвиде дека Универзитетот на Северна Каролина ќе победи на турнирот.   А.А.