Електричната енергија на градилиштето на  рускиот милијардер Олег Дерипаска, на кое се гради неговата раскошната резиденција на ртот Платамуни во  Црна Гора, е исклучена од страна на которската Електродистрибуција, затоа што била приклучена на диво. Компанијата на рускиот олигарх Олег Дерипаска, која е инвеститор на ‘ртот Платумини, неовластено се приклучила кон напојувањето на електрична енергија и потрошила електрична енергија во вредност од 40.000 евра. - Штом се исполнети условите , односно, штом купувачот ја плати пресметаната неовластено преземена електрична енергија  и достави комплетна документација за добивање на градежен приклучок, или за поврзување со мрежата на веќе изградени објекти на локалитетот, напојувањето повторно ќе биде овозможено – се вели во соопштението од црногорското Електростопанство. Дерипаска во близина на Будва , на 25.000 квадратни метри, гради луксузен станбен комплекс кој се состои од две големи палати и десетици помали куќи обложени во бел мермер. Рускиот олигарх пред девет години на тендер ја купи воената база на ртот Платамуни за 627.000 евра. Изградбата почна пред три години и веќе е при крај. Луксузниот комплекс е ограден со пет метри висока камена ограда, на кој приодот е забранет, а се наоѓа недалеку од плажата Плоче на 25.000 квадрати. Главен бинис на Олег Дерипаска е неговата компанија за алуминиум. Според „Форбс“ неговото богатство се споредува со богатсвото на Роман Абрамович, а се смета за еден од луѓето блиски на Владимир Путин.