Индиските милијардери, браќата Руиј, продаваат 98-процентен сопственички дел во рафинеријата за нафта Есар Оил за 13 милијарди долари, пренесе Блумберг.

Рафинеријата ја купува најголемата нафтена руска компанија Роснејфт и конзорциумот кој го сочинуваат претпријатијата Трафигура и Јунајтед Кепитал Партнерс.

Есар групата ќе им продаде по 49 отсто дел на Роснејфт и наведениот конзорциум во фирмата Есар Оил, чија вредност е процената на 728 милијарди рупии (10,9 милијарди долари), наведува индискиот конгломерат во соопштение.

Договорот се однесува на втората најголема индиска рафинерија во Вадинар, а дополнителни две милијарди долари ќе бидат платени за пристанишни терминали и електрана која ќе ја снабдева рафинеријата со струја, како и за мрежа од околу 2 700 пумпи.

Трансакцијата, која целосно ќе биде во готовина, ќе и помогне на Есар групата, која исто така се занимава со челичани и пристаништа, да го намали долгот од 50 отсто, изјавил Прашант Руиј пред новинарите во Гоа, Индија.

Сите одобренија се очекуваат до крајот на оваа година, а повеќето средства ќе одат на помирување на долгот, рекол Руиј.

Ова ќе биде најголемото поединечно странско вложување во Индија.