Личноста на годината, германската канцеларка Ангела Меркел ја изненади јавноста со својот последен говор кој беше сосема спротивен на сите нејзини претходни излагања за бегалската криза.

„Мултикултурализмот води кон паралелни општества и затоа останува 'животна лага', или измама“, изјави канцеларката.

За голем дел од нејзините поддржувачи ова беше големо изненадување, но од друга страна пак, голем дел од присутните ја поздравија со аплауз и овации.

Меркел по најновото отфрлање на мултикултурализмот истакна дека дојденците треба да се асимилираат, да ги прифатат германските вредности и да ги почитуваат германските закони. Таа објасни дека за неа создавањето на изолирани општества во Германија претставува неуспех во интеграцијата на емигрантите.