Германскaта канцеларка Ангела Меркел советува сите кои се плашат од бегалците, лично да се запознаат со нив.

Таа вели дека мигрантите имаат свои проблеми и надежи.

„Препорачувам секој кој се плаши, ако има можност, само лично да се запознае со човек кој избегал кај нас. Тоа се луѓе кои  преживеале многу и настрадале. Се разбира, ние во Европа предоцна видовме колку неподносливо станало во нивните земји, луѓето не гледаа друг излез освен да ја остават својата судбина во рацете на шверцерите“- изјави Меркел.

Таа изрази уверување дека сите социјални државни програми ќе бидат продолжени за соодветните групи население, и покрај постоењето на значителен број мигранти.

Со овие свои ставови Меркел го предизвика гневот на многу европски политичари. Чешкиот претседател Милош Земан ја критикуваше во февруари и рече дека неговата земја нема да биде како Германија. Според него, грешка е што Меркел ги покани бегалците во нејзината земја.